نكت تموت من الضحك حاسب على نفسك

ياريت متنسوش الردود علشان اشوف النكت عامله ايه واجيب غيرهم

وحده ست بتخون جوزها مع ثلاثة رجاله جوزها كبس عليها راحت مخبياهم في ثلاثة اشولة

جوزها دخل عليها وقال لها ايه ده قالت له دي زيارة من البلد قرايبك بعتوها

قام ضرب الشوال الاول بالشلوت دييب.. قام الراجل الى جواه قال كاك كاك جوزها قال اشطه حناكل فراخ

فراح ضارب الشوال التاني دييب.. قام الراجل الى جواه قال ماء ماء جوزها قال اشطه هناكل معيز

و راح ضارب الشوال التاليت دييب ديب.. محدش رد.. دييب ديب

قام الراجل الى جوه الشوال خرج وقاله بطاطس مانتاش فاهم بطااااااااااطس

ـــــــــــــــــــــــــــــــــــــــــــــ
مره واحده حامل ابنها الصغير بيسألها:ايه اللي في بطنك ده يا ماما

قالتله :ده أخوك يا حبيبي

تاني يوم و هوه في المدرسه المدرس سأله:انت عندك اخوات؟

قاله:كان عندي واحد بس ماما أكلته
ــــــــــــــــــــــــــــــــــــــــــــــــــــــــ
واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون

فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش

الست جية تقولو ا اية دة ياراجل انتا جايبلى السمك صاحى

قالها امال انا اعمل اية كل ما الاهلى يجيب جون يطلع واحد من الجمهور يبوسنى ويرجع تانى
ــــــــــــــــــــــــــــــــــــــــــــــــــــــــــ
مرة واحد متجوز عنده دولاب قافلة 20 سنة والمفتاح معاه هوه بس

مراته هتجنن وتعرف ايه اللي جوه الدولاب.

وفي يوم راح الشغل ونسي المفتاح.

مراته فتحت الدولاب لقت 20 الف جنيه وبيضتين.

لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب

الست قالت عشرين سنه جواز ومرتين بس مش مهم وسالته طب والعشرين الف جنيه

قالها كنت كل ماجمع كرتونه ابيعها
ــــــــــــــــــــــــــــــــــــــــــــــــــــــ
ضابط مظلات امه حلمها ما بيخيبش

كان عنده عرض أمام الوزير قالتله بلاش تنط عشان أنا حلمت ان البراشوت مش هيفتح

المهم جه ينط خاف وافتكر

فزميله سأله أيه الحكاية؟؟ فلما قاله رد عليه زميله ولا يهمك خذ البراشوت بتاعي وهات البراشوت بتاعك

نط صاحبنا وفتح البراشوات .أتفتح معاه

شوية ولقى زميله نازل بسرعة وبيصرخ .

الله يخرب بيت أمـــــــــــــــك
ــــــــــــــــــــــــــــــــــــــــــــ
واحد سافر أمريكا....بعد سنتين إتصل بأبوه قاله أنا إتجوزت وجانى إيدز....أبوه إتضايق قوى...وقاله: ليه مسميتهوش على إسم جدك
ــــــــــــــــــــــــــــــــــــــــــــــــ
واحد مستهبل إتجوز واحدة مستهبلة....خلفوا واد عامل نفسه ميت
ــــــــــــــــــــــــــــــــــــــــــــ
صرصار خارج من السوبر ماركت فرحان عشان شاف صورته على علبة ريد

ـــــــــــــــــــــــــــــــــــــــــــــ
مرة ست عجوزة قالوا لها الدش حرام قالت لهم الحمد للة بقالى 68 سنة
>>> بستحمى فى الطشت
ــــــــــــــــــــــــــــــــــــــــــ
غبى راح للدكتور عشان تعبان...الدكتور إداله دوا وقاله تاخده كل 8 ساعات...الغبى أخد الدوا كل 6 ساعات....عشان يفاجئ الجراثيم

يارب تنالا اعجابكم